Bandývinafélag Ólafsfjarðar

Heilir og sælir Bandývinir góðir.

Stjórn Bandývinafélagsins hefur undanfarnar vikur legið undir feldi og velt fyrir sér framhaldi á Bandýgleði. Eins og fram kom á lokahófi síðasta móts voru þó nokkrar líkur á það yrði síðasta mótið sem haldið yrði af félaginu.

Við höfum þó komist að því að rétt sé að halda formlegt lokamót með tilheyrandi húllumhæi og það ætlum við að gera og viljum vona að allir okkar dyggu stuðningmenn muni mæta á það mót.

Það er þó einn hængur á, mótið getur ekki orðið í maí eins og við vonuðum af þó nokkrum ástæðum en við stefnum á að halda það í haust eða í síðasta lagi næsta vor og þá á hefðbundnum tíma.

Við í stjórninni vonum að Bandývinir um land allt taki þessu með ljúfu Bandýskapi og verði klár þegar lokamótið verður.

Hér til hægri á síðunni er könnun sem við bendum fólki á.

Þar til á næsta Bandýmóti,

Stjórn Bandývinafélag Ólafsfjarðar

Stjórn Bandývinafélags Ólafsfjarðar óskar Bandývinum um allt land gleðilegs árs og þakkar fyrir árið sem er að líða.

Sérstakar þakkir til þátttakenda á síðasta Bandýmóti, þið voruð frábær.

Þriðjudaginn 21. sept. s.l. var framkvæmdastjóri staddur á Siglufirði vegna vinnu sinnar og fór og fékk sér að borða í hádeginu (sem ekki er í frásögu færandi) og að lokinni máltíð voru honum færðar þessa líka fínu mútur.

Já, ekki er ráð nema í tíma sé tekið, gaman að þessu.

Takk fyrir starfsfólk Sparisjóðs Siglufjarðar.

Hver man ekki eftir bónorðinu í upphafi síðasta Bandýmóts? (sjá mynd með næstu frétt á undan) Nú er brúðkaupið afstaðið og gjaldkeri Bandývinafélagsins og yfirdómari félagsins orðin hjón fyrir Guði og mönnum.

Yndisleg athöfn í alla staði og alls ekki síðri en bónorðið. Brúðurin stórkostleg, falleg svo af bar og þau bæði. Ljómuðu af ást, alveg eins og á að vera í hjónabandi sem stofnað var til á Bandýmóti.

Bandývinir um allt land óska ykkur innilega til hamingju og hlakka til að sjá hvað þið bjóðið upp á næsta móti.